Prof. Johan Willemse Departmental Chairperson

Landbou-ekonomie – 'n Moderne loopbaan met internasionale geleenthede!!

'n Kovsiegraad in hierdie departement kan jou sleutel wees tot 'n loopbaanin:

• Agribesigheid.
• Bemarking.
• In- en uitvoere.
• Bankwese.
• Versekering.
• Besproeiingsbestuur.
• Koöperasiebestuur.
• Boerderybestuur.
• Menslike Hulpbronbestuur.
• Navorsing en Ontwikkeling.

Waarom landbou-ekonomie?

• Ons internasionaal erkende studierigtings berei ons studente voor vir beroepe waarvoor hulle professionele, kompeterende vergoeding kan ontvang.
• Ons studente is wêreldwyd ewe gesog in die landbou- sowel as sakeomgewing en is 'n gewilde keuse as dit by werksaanbiedinge kom.
• Uitruilooreenkomste bied opwindende geleenthede vir studente om by geselekteerde universiteite in die buiteland te gaan studeer.
• Ons het 'n ryke tradisie geskoei op uitnemendheid en gevestigde waardes.
• Ons is toeganklik, gerieflik sentraal geleë en ons onmiddellike omgewing is 'n spieëlbeeld van die grootste deel van die landbousektor in Suidelike Afrika.
• Die bruisende studentelewe en kampuskoshuise bied aan elkeen die geleentheid om hom- of haarself ten volle te kan uitleef in sport, kultuur, godsdiens, studentepret en ook opleidingsverwante uitstappies en projekte.

Kovsies behoort om hierdie redes jou nommer een keuse te wees!

Watter graad pas my?

• 'n Vierjaar- B.Sc.Agric.-graad in Landbou-ekonomie (landbou- en handelsvakke).
• 'n Driejaar- B.Com.--graad in Landbou-ekonomie (handelsvakke).
• 'n Driejaar- B.Agric.-graad in Landboubestuur.
• 'n Driejaar- B.Agric.-graad in Besproeiingsbestuur.
• 'n Tweejaar Diploma in Landboubestuur.

Toelatingsvereistes

• Toelating tot universiteitstudie is 'n matrikulasievrystelling.
• Die verdere vereistes vir toelating tot die B.Sc.Agric.-graad is Graad 12 Wiskunde met ten minste 'n slaagsyfer van 40%.
• Vir toelating tot die B.Agric.-graad moet jy Graad 12 Wiskunde op standaardgraad of Wiskunde N4 slaag.
• Vir toelating tot die Dipl.Agric. moet jy minstens 'n Graad 12-sertifikaat of M-telling van minimum 28 verkry het.

Elkeen van hierdie grade kan opgevolg word met honneurs-, meesters- of doktorsgrade. Hierdie nagraadse kwalifikasies maak ons studente uiters mededingend in die internasionale mark.