ANDF
Gesellig Afrikaans Studente

Hierdie groep studente het onlangs met vlieënde vaandels in die taalaanleer-kortleerprogram Gesellig Afrikaans geslaag. Hulle is (van links) Cebelihle Sokhela, Thobeka Cebekhulu, Jannik Eilts, Deniz Pacaci, Ibrahim Runge, Frederike Therkorn, Bart Wildeman en Katrina Kouveldt (voor). Ida Meiring (tweede van regs), is die fasiliteerder van Gesellig Afrikaans 1, die basiese kursus vir vreemdetaalsprekers wat glad nie Afrikaans ken nie, en Alison Stander (heel regs) fasiliteer die Gesellig Afrikaans 2-kursus vir vreemde- en derdetaalsprekers wat hul kennis van Afrikaans wil uitbrei. Die Departement Afrikaans en Nederlands, Duits en Frans bied dié geakkrediteerde kortleerprogramme elke semester op kampus aan en dit is ook moontlik om die kursusse aanlyn te volg. Vir meer inligting kontak Karen Combrinck by combrinckk@ufs.ac.za of skakel Ida Meiring by +27 51 401 2816.

Kortleerprogram

Baie geluk aan die student wat die Gesellig Afrikaans Taalaanleer kortleerprogram van die eerste semester van 2019 geslaag het! Gesellig Afrikaans (GA) word elke semester aangebied deur die Departement Afrikaans en Nederlands, Duits en Frans. Daar is twee kursusse, GA1 vir beginners en vreemdetaalsprekers, en GA2, vir derdetaal- en vreemdetaalsprekers met ‘n voorkennis van Afrikaans.

Gesellig Afrikaans word Maandae en Woensdae (GA2) en Dinsdae en Donderdae (GA1) van 17:00 tot 18:00 in die Flippie Groenewoudt-gebou, Blok B, k. 201 aangebied. Volgende semester se eerste ontmoetingsvergadering word gehou op Woensdag 24 Julie 2019, dieselfde tyd en plek. Vir meer inligting, kontak Karen Combrinck by combrinckk@ufs.ac.za.

Op die foto is van links: Alison Stander, fasiliteerder van GA2, Liso Rashe, Makobane Mogashoa, Vladimir Azov en Tsaletseng Ntsekhe, wat die gevorderde krusus geslaag het, Ida Meiring, fasiliteerder van GA1, Karen Combrinck, kursus-administreerder, en Ana Luiza Silva wat GA1 voltooi het. Drew Kiser (GA1) verskyn nie op die foto nie, maar het ook die GA1-kursus geslaag.

Die Departement Afrikaans en Nederlands, Duits en Frans (UV) bied al vir meer as ‘n dekade die kortleerprogram, Gesellig Afrikaans aan. Hierdie program word ook aanlyn aangebied. ‘n Kortleerprogram in Frans word ook aangebied.


Fakulteitkontakte

T: +27 51 401 2240 of humanities@ufs.ac.za

Nagraads:
Marica Coetsee: +27 51 401 2369

Voorgraads:
Katlego Mabulana: +27 51 401 2495
Juanita Hlongwane: +27 51 401 3269

Humanities photo next to contact block