Latest News Archive

Please select Category, Year, and then Month to display items
Years
2017 2018 2019 2020
Previous Archive
News Items

News Archive

Varsity Cup launched at the UFS
2008-02-14

 

Eerste Nasionale Bank (ENB) het onlangs die ENB Varsitybeker-kompetisie, waarin Suid-Afrika se top-universiteite teen mekaar gaan meeding, aan die Universiteit van die Vrystaat (UV) bekend gestel.

Die Varsitybeker-konsep bestaan uit agt spanne wat op Maandae teen mekaar sal meeding, gevolg deur twee halfeindstryde en ‘n eindstryd. Die wedstryde skop 18 Februarie 2008 af en die laaste wedstryd sal op 7 April 2008 gespeel word. Die Shimlas se wedstryde (4) begin op 25 Februarie 2008 teen die Universiteit van Johannesburg en eindig op 15 Maart 2008 teen die Nelson Mandela Metropolitaanse Universiteit.

‘n ENB Varsitybeker-feestoernooi word oor die Paasnaweek in April vanjaar in George beplan waar al agt spanne elk drie ligawedstryde sal speel. ‘n Koshuis van elk van die agt spanne se universiteit sal ook die geleentheid kry om teen mekaar in George te speel. Dit sal die eerste keer in die Suid-Afrikaanse rugbygeskiedenis wees dat universiteitskoshuise in ‘n toernooi teen mekaar sal meeding.

By die loodsing was, van links: prof. Frederick Fourie (Rektor en Visekanselier van die UV), mnr. James Letuka (Direkteur: KovsieSport) mnr. Francois Pienaar (voormalige Springbokkaptein en direkteur van die ENB Varsitybeker), en mnr. De Wet Ras (KovsieSport).
Foto: Leonie Bolleurs

We use cookies to make interactions with our websites and services easy and meaningful. To better understand how they are used, read more about the UFS cookie policy. By continuing to use this site you are giving us your consent to do this.

Accept