Mokete wa bobedi wa Kovsies Multilingual Mokete ke boikitlaetso ba University of the Free State (UFS) ba ho ntshetsa pele botemengata.
Mokete o tla kenyeletsa le ho keteka dipontsho tse fapaneng tsa moetlo – ho bonono ba pono, bothothokisi, ho pheta dipale, tshwantshiso, mmino, le pina – ka dihlopha tse fapaneng le ka dipuo tse fapaneng tse buuwang haholo mona UFS (e leng English, Afrikaans, Sesotho, isiZulu, le Puo ya matsoho). Baithuti le basebetsi ba tswang difakhalthing tse fapaneng le mafapheng a fapaneng dikhempaseng tsa rona tse tharo, ba tla ba le seabo ho bontsha bokgabane le matla a bongata
ba meetlo ya Kovsies, tse ileng tsa qatjwa ke Qwaqwa Campus ka Lwetse 2021. Dintlha tse fapaneng di tla bontshwa ka filimi mme Mokete o tla bontshwa ho kanale ya UFS YouTube le ho Webosaete ya UFS ka letsatsi la
moketehadi ona.
E ba le rona ha re keteka morero wa Yunivesithi wa ho tumisa dikamano tsa meetlo e mengata le dipontsho tsa bonono ka English, Afrikaans, Sesotho, isiZulu, le Puo ya matsoho.
Mekgahlelo:
A. Ho bina
B. Ho tantsha
C. Ho etsa thothokiso
Boiqapelo ba hao e lokela e be bo ikgethileng, ‘e be bo foreshe ho tswa ontong’, mme bo lokela ho bolela tse ngata ka botemengata le bongata ba meetlo. Bo lokela ho keteka ho tswakana ha meetlo e fapaneng le dipuo le ho kopana
ha ditlwaelo tsa rona ho theha moetlo o ikgethang wa UFS. Ho na le mpho ya sephethahatsi se hlwahlwa sa bonono se atlehileng ka ho fetisisa mekgahlelong ka mong. #SayItLouderForThePeopleAtTheBack
Ditaelo bakeng sa mokgahlelo ka mong:
A. Ho bina
a. O ka kenela sehlopha kapa sebini se binang pina se le seng
b. Pina ha e lokele ho ba telele ho feta metsotso e mene (4)
c. Pina e lokela ho ba e nngwe ya dipuo tse nne tse boletsweng ka hodimo, ho akaretsa puo tse fetang
puo e le nngwe
d. Ho dumellwa feela ditshehetso kapa medumo e felehetsang pina
B. Ho tantsha
a. O ka kenela sehlopha kapa motantsho wa motho ka boyena, a le mong
b. otantsho o lokela o se ke wa feta metsotso e mene (4)
c. Mmino o lokela ho tshwanela morero wa mokete ona
C. Ho etsa thothokiso
a. Thothokiso ya hao e lokela ho ba ka puo e nngwe ya tse nne tse boletsweng ka hodimo, ho kenyeletsa puo e fetang bonngwe
b. Thothokiso ha e lokele ho feta mela e fetang 20-25
c. Haeba thothokiso ya hao e kgethwa, o tla ba
le kgetho ya ho etsa thothokiso ya hao ka bowena kapa o kope motho e mong ho e etsa bakeng sa hao. Diteko tsa mantswe di tla tshwarwa ho kgetha baphethahatsi kapa tsona dithothokisi.
Dintlha ka kakaretso
Nyehelo ya bonono:
Dinyehelodi
lokela ho romelwa ka imeile ho ufsmokete@ufs.ac.za
Dinyehelo tsa ho bina le ho tantsha di lokela ho etswa ka sebopeho sa MP4 ka ho sebedisa lehokela la Google Drive/OneDrive/Dropbox ho aterese ya imeile e ka hodimo
Dingolwa tsa dithothokiso di lokela ho nyehelwa ka sebopeho sa PDF
Nyehelo ka nngwe e lokela ho felehetswa ke foromo ya nyehelo.
Matsatsi:
Mantaha 5 Phupu: Letsatsi la ho qetela la nyehelo. O tla fumana tsebiso ya hore nyehelo ya hao e amohetswe.
Labohlano 9 Phupu: Diphethahatso tsa bonono tse phatlaladitsweng bakeng sa diteko tsa
mantswe ka ho sebedisa imeile.
Mantaha 19 Phupu: Qala dipapadi tsa difilimi.
Labohlano 17 Lwetse: Mokete premiere ka maranrang.
Dipatlisiso:
Ikopanye
le
UFSmokete@ufs.ac.za bakeng sa dintlha tse ngatanyana.
Atikele e tshwanelehang:
2019 Kovsies Multilingual Mokete