Umcimbi wokuqala weKovsies Multilingual Mokete (iFestivali) iwuhlelo lweNyuvesi yaseFree State (UFS) lokukhuthaza ukusetshenziswa kwezilimi eziningi.
IMokete izohlanganisa nokugujwa kwezinye izinhlobo zamasiko - ubuciko bezandla, izinkondlo, ukuxoxwa kwezindaba, imidlalo, umculo nemicwi - okuzokwenziwa ngamaqoqo ezilimi ezahlukene ezandile e-UFS (njengesiNgisi, isiBhunu, IsiZulu, noLimi Lwezandla). Abafundi nabasebenzi abavela ngaphansi kweminyango nezinhlaka ezahlukene ezikhungweni zethu ezintathu bazobamba iqhaza ekukhangiseni ngamakhono abo amasiko ehlukene kwiKovsies kwiKhampasi yaseBloemfontein mhla ka 18 no-19 kuMandulo (Septemba) 2019.
Hlanganyela kanye nathi ukubungaza igxathu lenyuvesi eliya phambili lokugqugquzela nokukhuthaza amasiko ehlukene kanye nobuciko ngolimi lwesiNgisi, lwesiBhunu lwesiZulu nolweZandla.
Imikhakha:
A. Ukucula
B. Ukudansa
C. Izindatshana ezimfushane
D. Izinkondlo
E. Imidlalo emifushane
F. Ubuciko
Kumele uqhamuke nento ehlukile, “engakaze ibonakale kwenye indawo” futhi kumele “isho lukhulu” ngokukhuthazwa kwezilimi namasiko ehlukahlukene. Kumele iqhakambise ukubumbana kwamasiko ethu ehlukahlukene nezilimi ezahlukahlukene kanye nokuhlanganiswa ndawonye kwamasiko ethu ukuze kwakheke isiko eliyingqayizivele le-UFS. Kuyoba nemiklomelo yamaciko enze kahle emkhakheni ngamunye. #SayItLouderForThePeopleAtTheBack
Okuzokwenzeka emkhakheni ngamunye:
A. Ukucula
a. Ningacula nibe yiqembu noma ucule wedwa
b. Iculo akumele libe lide ngaphezu kwemizuzu emine
c. Iculo lingaba yinoma yiluphi ulimi kulezi ezibalwe ngenhla, okungaba kuhle uma lihlanganisa izilimi ezimbili kuya phezulu
d.Kungaculwa ngokusebenzisa okomsindo noma ngokuhlabelela kuphela
B. Ukudansa
a. Ungajoyina iqembu noma udanse wedwa
b. Umdanso akumele ube ngaphezu kwemizuzu emine
c. Umculo kumele uhambisane nendikimba yefestivali
C. Izindaba ezimfushane
a. Indaba yakho emfushane ingaba yinoma ngaluphi ulimi kulezi ezine ezishiw ngenhla, okungaba kuhle uma kuyizilimi ezimbili kuya phezulu
b. Indaba emfushane akumele ibe yinde ngaphezu kwemizuzu emihlanu uma ifundwa kakhulu
c. Uma indatshana yakho ikhethiwe, uyobe usukhetha ukuthi ufuna ukuzifundela indatshana yakho noma kube khona ozokufundela yona. Kuyokwenziwa inhlolokhono ukukhetha abazofunda izindatshana ezimfushane.
D. Izinkondlo
a. nkondlo yakho ingaba nganoma yiluphi ulimi kulezi ezine ezingasenhla, okungaba akuhle kube ezimbili kuya phezulu
b. Inkondlo yakho akumele ibe nemigqa engaphez u kuka-20 kuya ku-25
c. Uma inkondlo yakho ikhethiwe, uyokhetha ukuthi uyifunda wena noma uthola umuntu ozokufundela yona. Kuyokwenziwa inhlolokhono ukukhetha abazokwethula izinkondlo.
E. Imidlalo emifushane
a. Ungajoyina iqembu noma wenze umdlalo wakho uwedwa.
b. Umdlalo wakho akumele weqe emizuzwini engu-10.
c. Umdlalo kumele ukhulume ngokugujwa kwamasiko nezilimi ezahlukahlukene.
d. Umdlalo wakho kumele ube yinganoma iluphi ulimi kulezi ezine ezingenhla,okungaba kuhle kube ezimbili kuya phezulu.
e. Uyacelwa ukuba ulethe umbalo womdlalo kuqala.
i. Uma umdlalo wakho (umbhalo) ukhethwa, uyomenywa ukuba uzovivinywa ukuze ukhethwe nabokugcina.
F. Ubuciko
a. Kwemukelwa amahostela kuphela
i. Amahostela ayothola isikhwama esinezinto ezifana neshidi lokudweba, izithombezokubukela, upende namabhrashi
ii. Ihostela ngalinye liyokopisha lezo zithombe zokubukela eshidini lokudweba ngekhono lonke
iii. Imisebenzi yobuciko iyokhangiswa emhibheni waseScaena Theatre mhla ka-16 – 20 uMandulo.
Ulwazi olwejwayelekile
A. Ukulethwa kwemingenelo:
a. Umngenelo kumele uthunyelwe nge-email ku: ufsmokete@ufs.ac.za
i. Imingenelo ephathelene nokucula nokudansa kumele ithunyelwe nge-mp4 kusetshenziswa iGoogle drive/One drive/Dropbox exhumene ne-email engenhla
ii. Imibhalo yezinkondlo, izindaba ezimfushane, imibhalo yemidlalo emifushane kumele kulethwe ngohlobo lwe-pdf.
iii. Umngenelo ngamunye kumele uhambisane nefomu lokungenela.
b. Imingenelo engamaphepha ingahanjiswa eMnyangweni wakwaDrama and Theatre Arts, ezakhiweni sazeScaena Theatre (eduze kweCallie Human), e-room 46.
B. Izinsuku:
a. ULwesibili 20 kuNcwaba: Usuku lokugcina lokungenela. Uzothola isiqinisekiso esiziphendulayo sokuthi umngenelo wakho utholakele.
b. UMsombuluko 26 kuNcwaba: Izihloko ezikhethelwe ukungenela inhlolokhono nge-email
c. ULwesithathu 28 kuya kuLwesihlanu 30 kuNcwaba: Inhlolokhono. Isikhathi nosuku kusazoqinisekiswa
i. Abafundi/abasebenzi abafuna ukuhaya izinkondlo zabo, izindaba ezimfushane noma imidlalo emifushane
ii. Imingenelo ekhethelwe ukucula nokudansa
d. UMsombuluko 2 kuMandulo: Uhlu lokugcina lwemingenelo luyokwethulwa nge-email.
e. ULwesibili 17 kuMandulo: Ukuzivivinyela uhlelo namaciko
Imibuzo:
Ngolunye ulwazi xhumana ne: ufsmokete@ufs.ac.za