DIE mans- en vrouetennisspanne van die Universiteit van die Vrystaat het hul groepwedstryde gister onoorwonne afgesluit.
Die Kovsie-mans het die Randse Afrikaanse Universiteit 4-3 in sy laaste groepwedstryd geklop, terwyl die vroue met dieselfde telling oor Pukke geseëvier het.
Die wedstryde wat Maandagmiddag weens reën nie voltooi kon word nie, is ook gistermid dag afgehandel.
Die UV-mans het TUT toe met 4-3 geklop, terwyl die vroue hul wedstryd teen die Universiteit van Kaapstad 4-3 gewen het.
In vandag se halfeindrondes van die A-afdeling (mans) kom Kovsies teen Maties en Tukkies teen RAU te staan, en in die vroue-afdeling pak Kovsies vir RAU, terwyl Tukkies en die Pukke sake sal uitspook.