DIE popster Belinda Carlisle, veral bekend vir die treffer Heaven is a place on earth , toer later vanjaar in Suid-Afrika en hierdie keer is Bloemfontein ook op die toerprogram. Carlisle, wat verlede jaar op 'n kort besoek aan Suid-Afrika was om die Altech Grand Prix wat later vanjaar plaasvind bekend te stel, tree op 12 Augustus in die Universiteit van die Vrystaat se Callie Human-sentrum op. Meer as 17 miljoen van hierdie gewilde sanger se albums het in die afgelope 20 jaar huis gekry. Kaartjies vir die vertoning in Bloemfontein sal beskikbaar wees van die Money Market-toonbanke by alle Shoprite-, Shoprite Checkers- en Checkers Hyper-winkels. JOERNAAL - BYLAE TOT VOLKSBLAD-VRYDAG 25 FEBRUARIE 2005