Boektrommelprojek 2019
Die Departement Afrikaans en Nederlands, Duits en Frans (UV) samel vanjaar weer boeke in as deel van die boektrommelprojek. Die boeke sal aan NALN (Nasionale Afrikaanse Literêre Museum en Navorsingsentrum) geskenk word vir hulle boekekelderverkoping.
Die Departement versoek alle kollegas, vriende en studente vriendelik om enige ou en onbenutte boeke te skenk. Ons fokus spesifiek op Afrikaanse en Engelse prosa, poësie, drama, kinderliteratuur, fiksie en nie-fiksie.
Boeke kan vanaf 1-20 September soggens by Kantoor 227 en 226, Flippie Groenewoudgebou, Blok B, afgelewer word.
Navrae: Dr M Smit