Gedurende die Julie-vakansie was kollegas van Afdeling Afrikaans en Nederlands gashere vir dieNeerlandistiekwinterskool wat jaarliks by ʼn universiteit in Suid-Afrika aangebied word.  Hierdie geleentheid bied ’n uitmuntende ervaring vir belowende tweedejaar-, derdejaar- en/of honneursstudente wat in Nederlands belangstel en goed daarin presteer. Taalverwerwingskursusse en verrykingskursusse in Nederlandse literatuur is daagliks aangebied in toeganklike Nederlands en dit is opgevolg met groepbesprekings. Saans  is onder meer na bekende Nederlandse films gekyk. Die Nederlandse aanbieders was die bekende proff. Lieve de Wachter en Yves T’sjoen.